大紅點

喺婚展見到呢間公司，覺得佢地d相好靚，雖然知道係新公司，但係見到佢地d sample相，真係覺得好靚，d衫又靚，而且d做型都好得，一日內就做左決定報名，除左Pre-wedding，仲有新娘化妝同埋Big Day的2P1V！

http://claraderek.mysinablog.com/index.php?op=ViewArticle&articleId=2163886

不過到我揀衫嗰陣，佢地俾d淘寶款式我揀，我話想要clara條裙，佢就話嗰條要加一萬蚊！真係好震驚（我後尾先知原來Clara佢哋大紅點幫佢地免費影相要嚟做生招牌，條裙應該係佢自己Prepare嘅）！最尾我加錢自己買左一條淘寶裙，試身嗰日覺得好緊，但係因為好夜，試完都冇太多時間思考！但係再諗諗下，第二朝覺得唔對路，都係打電話返去叫佢地改大返少少，但係佢地就話大陸嗰度改唔切，我話我最多影相自己帶衫，唔想件衫唔啱著夾硬著，佢地就好好，話條裙俾返錢我，唔想我唔開心！

由於我報埋佢地嘅MUA，影Pre-wedding之前我就去埋試妝，阿Don好有心機化，不過我揀左d髮型，個Hair Stylist Franco就話我個頭咩髮型都set唔到，佢幫我set左d好standard嗰d新娘頭，我冇試過其他MUA，所以都冇咩大感覺，以為自己個頭真係咩都set唔到！見佢話會幫我人手整頭飾，記得Clara佢地的造型，所以都好期待！

到影相嗰日，我自己帶左一個喺Chapter One買嘅頭飾，但係俾Franco彈到一文不值，佢話佢整嗰個頭飾點靚點靚，人手造都係收我材料$100！咁$100就真係好平，不過完全唔係Clara佢地嗰d造型囉！第一個頭飾好普通，其實真係唔多鍾意，不過見佢係咁讚，我都唔好意思話唔鍾意！到第二個頭飾，佢地係喺車上面幫我戴嘅，我完全見唔到咩樣，後尾返到屋企先見到自己變左隻hello mimi，真係好sad!

不過講返攝影師Charles同Quinton，佢地真係好好，影過左鐘又幫我照影，好專業好勤力！阿Don都係，好俾心機，成日幫你執個妝！不過自己唔係model樣啦，覺得唔係太鍾意d相！冇其他人影大紅點的味道！尤其是影完wabi-sabi嗰輯相之後，就更加覺得d相唔係我鍾意嘅Style！

我後尾give up左big day 2P1V同埋個make-up，因為我好怕再俾Franco搞我個頭，尤其係我俾Chin G Salon嘅Green set 過頭之後！不過後尾先知原來大紅點喺我結婚前兩個星期炒左Franco! Anyway, Kinki@GAB 同埋 Green@Chin G. 都好好，我係有點後悔give up左佢地的2P1V服務！

https://www.facebook.com/redpointworkshop